Si 17-vjeçar admiroj që nesër të jem një lojtar i njohur në botën e bukur të futbollit.
Babai im ka qenë futbollist, genin e të cilit dua ta transmetoj në fushën e blertë si profesionist i sukseshsëm në të ardhmen e afërt.
Këmba ime e majtë është arma ime më e fortë. Por edhe e djathta nuk më lë pas me pasimet.
Për herë të parë kur kam parë Kristiano Ronaldon, mendova që unë do isha i tillë kur të rritesha.
Por me kalimin e viteve dhe njohja e cilësive që
disponoj, më kanë ndryshuar edhe pritshmëritë e mia.
Tani që jam në moshën 17 vjeçare më pëlqen shumë edhe teknika e Mesit dhe mbi të gjitha shpirti dhe grinta e lojtarit simbol kuqezi, Lorik Cana.
Nëse do të arrij të përvetësoj tre elementët nga tre lojtarët e mi udhëheqës, atëherë mund të them se do jem futbollisti që nuk do njoh pengesa.
Gjithsesi edhe kjo që sapo thash në vazhdën e ëndrrës është, sepse pa punë dhe përkushtim në stërvitje do të jetë shumë e vështirë, ndoshta edhe e pamundur për të arritur qëllimet.
Si një mesfushor me tipare sulmuese më pëlqen teknika, cilësi të cilën ma vlerësojnë shumë trajnerët e mi.
Futbollin e kam nisur tek akademia e KEK-ut në moshën 13-vjeçare. Me të rinjtë kam treguar se qëllimet i kam të qarta.
Tashmë jam grumbulluar edhe me ekipin e parë.
Lodhjen, mundin, përkushtimin e prindërve dua tia kthej duke arritur suksesin. Vetëm kështu mund ti lumturoj ata.
Në moshën 15-vjeçare isha pjesë e kombëtareve të Shqipërisë dhe Kosovës. Tashmë jam gati për hapin e madh, duke shpresuar që edhe fati të jetë në rrugën time.
Fjalët për një 17 vjeçar janë boshe nëse në fushë nuk tregon asgjë. Kronika e mëposhtme nga Talenti Sportiv flet siç duhet të flasë një 17-vjeçar, në fushë.
Fusha është treguesi se sa shumë e dua futbollin dhe çfarë kapaciteti kam për të ardhmen.
Ftesën
nga Shqipëria ose Kosova do ta pranoja me kënaqësi, por shërbimet e mia
do shkojnë tek kombëtarja që do besojë tek unë. Gjithsesi, fanella e
kombëtares është ëndrra e çdo futbollisti.
Nga
Almi Klinaku
(futbollist)
Ekskluzive vetëm nga www.talentisportiv.com
Kujdes!
Kopjimi dhe publikimi i detajeve të artikullit
si informacion, është rreptësisht i ndaluar!